काठमाडौं । नेपाली नारीहरूको महान् पर्व तीज नजिकिँदै जाँदा माेडल मुना भुर्तेलले अभिनय गरेकाे म्युजिक भिडियाे सार्वजनिक भएकाे छ।
गीता अधिकारीको नयाँ गीत ‘बजाउँदै चुरा’ मार्फत मुनाले म्युजिक भिडियाेमा आफ्नाे बेजाेड प्रस्तुति दिएकी छन्। मुनाले दर्जन बढी म्यजिक भिडियाेमा अभिनय गरिसकेकी छन्।
`म्युजिक भिडियाेमै केही गर्ने रहर छ। तिजकाे अवसरमा नेपाली चेलीहरूका लागि काेशेली स्वरूप मेहनत गरेर म्युजिक भिडियाे ल्याएका छाैं। आशा छ दर्शकहरूले मनपराउनुहुनेछ,´ मुनाले भनिन्।
सारिका घिमिरेको स्वर रहेको गीतमा योगेशकाजी शाहको सङ्गीत एवम् सङ्गीत संयोजन र मनोज परियारको मिक्सिङ/माष्टरिङ रहेको गीतको भिडियो सार्वजनिक भएको हो।
प्रदीपकुमार रसाइलीको निर्देशन र कोरियोग्राफी रहेको गीतको भिडियोमा सोमिक गौतमको सिनेमेटोग्राफी र अमृत चापागाईंको सम्पादन एवं कलर छ।
गीतको भिडियोमा रमा थपलिया, प्रदीपकुमार रसाइली, मुना भुर्तेल र रेमोना लोहारले कम्मर मर्काएकी छन्। गीत जति उत्कृष्ट छ गीतको भिडियो पनि त्यतिकै उत्कृष्ट बनेको छ।
प्रतिक्रिया दिनुहोस् !
संबन्धित खबर
