काठमाडौँ । नेपाल मुस्लिम संघले साउदी अरेबियाको मक्का मन्दिरमा हज गर्न जाने मुस्लिम समुदायको पहिलो समूहलाई बिदाई गरेको छ । संघका पूर्व अध्यक्ष तथा नेपाली कांग्रेसका केन्द्रीय सदस्य अब्दुल सत्तार ,अध्यक्ष अताबुल मन्सुरी उपाध्यक्ष सरर्फराज शेख ,जम्बारदिन मिया लगातका टोलीले त्रिभूवन अन्तराष्ट्रिय बिमानस्थलमा बिदाई गरेका हुन् ।
हिजरी संवत् १४४५ को हज का लागि पहिलो टोली साउदी अरब प्रस्थान गरेको हो। पहिलो समूहको उडानमा १४९ हजयात्री र १ जना हज प्रतिनिधिमण्डल सदस्य गरी जम्मा १५० जना सहभागी भएका छन् ।
यस वर्ष जम्मा ७६४ जना हजयात्री जाने छन् । आज जाने हजयात्री साउदी अरबमा ४४ दिनको बसाई पछि २९ जुनमा फर्कने कार्यक्रम रहेको छ ।
प्रतिक्रिया दिनुहोस् !
संबन्धित खबर
