एजेन्सी, ११ भदौ । गोलको वर्षा भएको खेलमा स्पेनिस लिगमा बार्सिलोनाले भिल्लारियललाई ४-३ गोल अन्तरले हराएको छ। एक समय खेलमा दुई गोलको सुरुवाती अग्रता गुमाएको बार्साले कमब्याक गर्दै रोमाञ्चक जित निकाल्यो।
गाभी र डि योङको गोलमार्फत गए राति भएको खेलको १५ औं मिनेटमा नै बार्साले २-० को अग्रता बनाएको थियो। तर यसपछि घरेलु टिम भिल्लारियालले लगातार तीन गोल गर्यो।
३-२ ले पछि परेपछि भने ६८ औं मिनेटमा फेरान टोरेस र यसको तीन मिनेटपछि नै लेवानडोस्कीले गोल गर्दै बार्सिलोनाको जित पक्का गरे।
जितपछि बार्सिलोनाले तीन खेलमा सात अंक जोड्दै लिगको तेस्रो स्थानमा उक्लिएको छ।
