काठमाडौं : भारतीय म्युजिक भिडियोमा नेपाली कलाकार सञ्जिला र्गातमले डेब्यू गरेकी छन् । दिप वशनको ‘इश्क अवाल्लाह’ बोलको गितमार्फत गौतमले म्युजिक भिडियोमा डेब्यू गरेकी हुन् । भारतीय मोडल जीत आर्या र सञ्जिलाको अभिनय रहेको म्युजिक भिडियो दर्शकले अत्याधिक रुचाएका छन् । युटुबमा रिलिज भएको केही समयमै सो म्युजिक भिडयो साढे १० लाखले हेरिसकेका छन् ।
चितवनकी गौतम हाल मुम्बइमा छिन् । उनले आफ्नो पहिलो म्युजिक भिडियो नै धेरैले मन पराइदिएकोमा खुशी व्यक्त गरेकी छन् । ‘मेरो पहिलो म्युजिक भिडियोनै धेरैले रुचाउनुभएकोमा खुशी छु । यो अवसरका लागि म्युजिक भिडियो टिम र आम दर्शहरुप्रति आभारी छु, ’ उनले भनिन्, ‘आगामी दिनमा अझ राम्रो गर्ने कोशिस गर्नेछु ।’
