काठमाडौं : नेपाली कांग्रेसमा सांसद प्रकाशमान सिंहले आलाेकनगर र प्रयागमार्गकाे बिचमा आकाशेपुलकाे व्यवस्था गर्न माग गरेका छन् । संसदमा आज शून्य समयमा बाेल्दै काठमाडौं १ बाट निर्वाचित सांसद सिंहले आफ्नाे निर्वाचन क्षेत्रमा पर्ने साे स्थान पैदलयात्रीका लागि असुरक्षित भएकाे भन्दै यस्ताे माग गरेका हुन् । `सभामुख महदोय, बाटोको बारेमा
पैदलयात्रीको दृष्टिकोणबाट सुरक्षाको बारेमा म यहाँ बोल्न चाहिरहेको छु । काठमाडौको क्षेत्र नं. १ को शान्तिनगर क्षेत्रमा पैदलयात्रीको दृष्टिकोणबाट ब्ल्याक सपटकाे रुपमा डेभलप भैरहेको छ,´ उनले भने,` केही वर्षदेखि धेरैले ज्यान गुमाइसकेको छन् दुर्घटनाका कारण । स्थानीय वासिन्दाहरुको आलोकनगर र प्रयाग मार्गको बिचमा आकाशेपुलको डिमाण्ड भएको कारणले गर्दा खेरी नेपाल सरकारको गम्भीर ध्यानाकर्षण गर्न चाहन्छु। ´