काठमाडौं : नेपाली कांग्रेसका नेता गुरूराज घिमिरेले नेविसंघ र तरूण दल नयाँ बनाउनुपर्ने बताएका छन् । काठमाडौंमा आज आयाेजित एक कार्यक्रममा उनले अहिलेकाे नेविसंघ र तरूण दललाई पूर्णता हाेईन नयाँ समिति बनाउनुपर्ने बताए ।
नाम मात्रकाे अहिलेकाे समितिलाई पूर्णता दिनुकाे अर्थ नरहने उनकाे भनाई थियाे । तरूण दल र नेविसंघमा नयाँ नेतृत्व आएकाे एक वर्ष बितेपनि नेतृत्व विफल भएकाे उनले बताए । `अहिलेकाे नेविसंघ र तरूण दललाई पूर्णता हाेइन अब नयाँ समिति बनाउनुपर्छ,´ उनले भने । त्यस्तै, नेता घिमिरेले कांग्रेस रूपान्तरणका लागि देशव्यापी अभियान चलाउने बताए । कार्यक्रममा नेताहरू रञ्जित कर्ण, भूपेन्द्रजंग शाही लगायतले कांग्रेस सुदृढीकरणका लागि अब युवाहरू सक्रिय हुनुपर्नेमा जाेड दिए ।
प्रतिक्रिया दिनुहोस् !
संबन्धित खबर
