काठमाडौं –केही समय यता सुस्ताएकाे नेविसंघको तेस्रो धार पुन: सक्रिय हुन थालेकाे छ । आज साे समुहले बाल्मिकि क्याम्पसमा छुट्टै भेला गर्दै सक्रियता बढाएकाे हाे । नेविसंघभित्र प्रभावशाली मानिने याे धारले स्ववियु निर्वाचनको मुखैमा बढाएकाे सक्रियतालाई अर्थपूर्ण ठानिएकाे छ ।
भेलाले क्याम्पसमा विद्यार्थीमाझ भिजेका लोकप्रिय र वास्तविक विद्यार्थीलाई उम्मेदवार नबनाए बिद्रोह गर्ने चेतावनी दिएका छन्।
शुक्रबार काठमाडौंमा आयोजित नेविसंघ भेलाले स्वभाविक विद्यार्थीलाई उम्मेदवार नबनाएर आसेपासेलाई टिकट दिइए बिद्रोह गर्ने चेतावनी दिएको भेलाकाे संयाेजन गरेका नेता, पूूर्व केन्द्रीय सदस्य सुशील भट्टले बताए ।
नेविसंघ नेेतृ पद्मा भुसालको सभापतित्वमा कार्यक्रम गरेर गुटको नाममा लामो समयदेखि विधान, पद्धति र विद्यार्थीको आवाज उठाउन खोजेका नेतालाई पाखा लगाउने कुचेष्टा नगर्न भन्दै देशभरीको क्याम्पसमा बिद्रोह गर्ने संकेत सो समूहले गरेको हो। `संगठनभित्र न्याय भएन भने विद्राेह हुन्छ। संगठनमा विधिवत निर्णय हुनुपर्छ´ नेता मनिष रायमाझीले भने ।
भेलालाई सम्बोधन गर्दै लामो समयदेखि संगठन भनेर दुख गरेको विद्यार्थीलाई कम आँक्ने काम भएमा हरेक क्याम्पसमा स्वतन्त्र उम्मेदवार उठाउने चेतावनी नेविसंघ पूर्व केन्द्रिय सदस्य नवराज त्रिपाठीले दिए। आफुले विधान कार्यन्वयन हुनुपर्छ भन्दै संगठनभित्र ३२ वर्षे उमेरहद लागु गराउन आमरण अनसन समेत बसेको स्मरण गर्दै उनले विधान र विद्यार्थीको हित विपरीत हुने सबै कुकृत्यको खुलेर प्रतिवाद गर्ने बताए।
‘विद्यालय गएर नेपालको वास्तविक नक्सा सिकाउने अभियान, चिनौँ सिमाना जोगाऔँ माटो, मास्क मुभमेन्ट, टपर्स जस्ता दर्जनौ क्रियटिभ कार्यक्रम गरेको, विधान कार्यन्वयन गर्न आमरण अनसन बसेको समूहलाई कम आक्ने काम भयो र यदि बजारमा सुनेको हल्ला जस्तै अन्य कुनै दलसँग मिलेर स्ववियू निर्वाचनमा भाग लिए हरेक क्याम्पसमा हाम्रो स्वतन्त्र उम्मेदवार हुन्छन्,’ त्रिपाठीले भने।
नेविसंघका पूर्वमहामन्त्री तथा बाग्मती प्रदेशका सचेतक साथै नेपाली कांग्रेसका केन्द्रीय सदस्य कुन्दनराज काफ्लेको प्रमुख आतिथ्यतामा सम्पन्न उक्त भेलामा कांग्रेस बाग्लुङ जिल्ला सभापति जित शेरचन, नेविसंघकै पूर्वमहामन्त्री बलदेव तिमल्सिना, पूर्वउपाध्यक्ष रामप्रसाद अधिकारी, पूर्वसहमहामन्त्री परमेश्वर शाह, पूर्वकेन्द्रीय सदस्य नवराज त्रीपाठी, युवा नेता इन्दु शर्मा, लिला बल्ल दाहाल, दिपेन्द्र क्षेत्री, सुशिल भट्ट, दिपक ओझा, मनिष रायमाझी, निराजन शाही, राजकुमार उप्रेति, महेश पौडेल, शुभास घिमिरे, प्रशान्त लामिछाने, विनोद बराललगायतका उपत्यकाका अन्य सयौँ नेताकार्यकर्ता सहभागी भएको नेविसंग नेता मनिस सिम्खडाले बताए।
प्रतिक्रिया दिनुहोस् !
संबन्धित खबर
