काठमाडौं । नेपाल प्रिमियर लिग (एनपीएल) को लिग चरणका खेल सकिएसँगै आज (शुक्रबार) कुनै खेलको तालिका छैन्।
बुधबार इलिमिनेटर र पहिलो क्वालिफायरका दुई खेल हुँदै छन्।
बुधबार कीर्तिपुरस्थित त्रिवि क्रिकेट मैदानमा इलिमिनेटर खेल चितवन राइनोज र कर्णाली याक्सबीच बिहान ९ बजेदेखि सुरु हुनेछ।
अंक तालिका अनुसार चितवन तेस्रो स्थानमा रहेको छ भने चौथो स्थानमा कर्णाली छ।
समान आठ अंक भए पनि काठमाडौं गुर्खाज भने रनरेटका आधारमा प्लेअफबाट बाहिरी सकेको छ।
कर्णालीका कप्तान सोमपाल कामी र चितवनका कप्तान कुशल मल्ल रहेका छन्।
त्यस्तै बुधबारको पहिलो क्वालिफायरमा सुदूरपश्चिम र जनकपुरको भिडन्त हुनेछ। यो खेल दिउँसो १ बजेबाट सुरु हुनेछ।
सुदूरपश्चिम सात खेलमा १२ अंकसहित शीर्ष स्थानमा रहँदै पहिलो क्वालिफायरमा पुगेको हाे भने समान खेलबाट १० अंकसहित जनकपुर तालिकाको दोस्रो स्थानमा रहेको छ।
प्रतिक्रिया दिनुहोस् !
संबन्धित खबर
