काठमाडौं : रास्वपा महाधिवेशनमा कांग्रेस सभापति गगन थापा जाने भएका छन् । विहान फेसबुकमार्फत रास्ववपा महाधिवेशन सफलताकाे शुभकामना व्यक्त गरेका थापा उद्घाटन सत्रमा जान लागेका हुन् । रास्वपाले थापालाई निमन्त्रणा दिएकाे छ ।
चितवनमा आजबाट रास्वपाकाे महाधिवेशन शुरू भएकाे छ । करिब ३ हजार प्रतिनिधि सहभागी हुनेछन् ।
थापाले दिएकाे शुभकामनामा के छ ?
रास्वपा महाधिवेशनलाई कांग्रेस सभापति गगन थापाकाे शुभकामना
****
प्रिय रवि लामिछानेजी,
सभापति, राष्ट्रिय स्वतन्त्र पार्टी,
तथा रास्वपा परिवार,
हार्दिक शुभकामना!
राष्ट्रिय स्वतन्त्र पार्टीको प्रथम राष्ट्रिय महाधिवेशनको अवसरमा तपाईं र सम्पूर्ण रास्वपा परिवारलाई हार्दिक शुभकामना!
पार्टी स्थापनाको छोटो अवधिमै राष्ट्रिय स्वतन्त्र पार्टीले उल्लेखनीय जनसमर्थनसहित राष्ट्रिय राजनीतिमा आफूलाई बलियो रूपमा स्थापित गरेको छ। तपाईंको नेतृत्वमा संगठन निर्माणदेखि निर्वाचनसम्मको यो यात्रा प्रशंसनीय छ।
यो महाधिवेशन रास्वपाका लागि विचार, संगठन र नीतिका दृष्टिले अझ परिपक्व, जिम्मेवार र दूरदर्शी दृष्टिकोण निर्माण गर्ने ऐतिहासिक अवसर हो।
यो महाधिवेशनले लोकतान्त्रिक मूल्य र अभ्यासहरूलाई आत्मसात् गर्न तथा संविधानप्रदत्त नागरिक अधिकारको संरक्षण गर्न पार्टीलाई वैचारिक रूपमा स्पष्ट, जवाफदेही र थप उत्तरदायी गराउन गति र ऊर्जा प्रदान गर्नेछ भन्ने अपेक्षा लिएको छु।
तपाईंको आगामी राजनीतिक यात्रा तथा रास्वपाको प्रथम महाधिवेशनको पूर्ण सफलताको कामना गर्दछु।
जय नेपाल!
