काठमाडौँ । नेपाली कांग्रेसको १५ औँ महाधिवेशनमा परमेश्वर साहले उम्मेदवारी दिने भएका छन् । उनी विद्यार्थी जीवनदेखि नै कांग्रेसको राजनीतिमा सक्रिय छन् । तीन दशक लामो राजनीतिक यात्राका क्रममा उनले लहान क्याम्पसबाट राजनीति थालेका थिए ।
उनी त्यहाँ स्ववियुमा सहसचिव, सिराहा जिल्लाको पदाधिकारी हुँदै नेविसंघ जिल्ला सभापति रहे । उनले करिब नौ वर्ष जिल्लाको नेतृत्व सम्हाले । साह नेविसघ केन्द्रिय सहमहामन्त्री हुँदै नेपाली कांग्रेसको राजनीतिमा सक्रिय छन् ।
उनी नेपाली कांग्रेसको विचार, लोकतन्त्र र जनताको पक्षमा निरन्तर सक्रिय राजनीतिक व्यक्तित्व हुन् । उनको राजनीतिक शैली संगठन निर्माण, कार्यकर्तासँगको सम्बन्ध र जनताका स्थानीय मुद्दालाई प्राथमिकता दिने रहेको बताएका छन् ।
काठमाडौँमा जारी महाधिवेशनमा मंगलबार उम्मेदवारी दर्ताको समय रहेको छ ।
प्रतिक्रिया दिनुहोस् !
संबन्धित खबर
