काठमाडौ : प्रधानमन्त्री पुष्पकमल दाहाल जेठ १७ गते भारत भ्रमणमा जाने भएका छन् । भारतमा रहँदा कम्युनिष्ट नेता प्रचण्डले महाकाल मन्दिरकाे दर्शन गर्ने छन् । प्रधानमन्त्री दाहालले मध्यप्रदेशकाे इन्डाेर र उज्जैन भ्रमण गर्दैछन् । साे क्रममा उनले उज्जैनमा रहेकाे  महाकाल मन्दिरकाे दर्शन गर्नेछन् ।

याे हाे शनिकाे मन्दिर-

 

शनिबार परराष्ट्र मन्त्रालयले एक विज्ञप्ति जारी गरी प्रधानमन्त्री प्रचण्डको भारत भ्रमणको कार्यक्रम तालिका सार्वजनिक गरेको हो । कार्यक्रम तालिका अनुसार प्रधानमन्त्री प्रचण्डले जेठ १८ गते भारतीय समकक्षी नरेन्द्र मोदी नेतृत्वको प्रतिनिधिमण्डलसँग हैदरावाद हाउसमा वार्ता गर्नेछन् । वार्तापछि दुई प्रधानमन्त्रीले संयुक्त पत्रकार सम्मेलन गर्ने कार्यक्रम तय भएको छ । त्यसलगत्तै  भारतीय प्रधानमन्त्री मोदीले प्रधानमन्त्री प्रचण्ड र उनको प्रतिनिधिमण्डलको सम्मानमा दिवाभोजको आयोजना गर्ने कार्यक्रम  छ ।

प्रधानमन्त्री प्रचण्डले भारतीय राष्ट्रपति द्राैपदी मुर्मु, उपराष्ट्रपति जनदीप धनखरसँग पनि भेटवार्ता गर्ने कार्यक्रम तय भएको छ ।  भ्रमणका क्रममा प्रधानमन्त्री प्रचण्डले नेपाल उद्योग वाणिज्य महासंघ (एफएनसीसीआई) र भारतीय उद्योग परिसंघ (सीआईआई) ले संयुक्त रुपमा आयोजना गरेको नेपाल–भारत व्यापार शिखर सम्मेलनलाई पनि सम्बोधन गर्ने कार्यक्रम रहेको छ ।

 

प्रतिक्रिया दिनुहोस् !

संबन्धित खबर

ताजा खबर


यो साता धेरै पढिएको